पाऊस आठवणीतला
खुदु खुदु हसवणारा
खोटे खोटे पैसे देवून
मोठा मोठा येणारा

पाऊस आठवणीतलाधो धो कोसळणारा
शाळेच्या खिड कीतून
हळूच खुणावणारा

पाऊस आठवणीतला
कागदी होडीबरोबर वाहणारा
शाळे भोवती तळे साचवून
हमखास सुट्टी देणारा

पाऊस आठवणीतला
चिंब चिंब भि जवणारा
आईच्या हातचा चहाची
लज्जत अजूनच वाढवणारा

आता आता पाउस
रुसल्या सारखा वाटतो
रौद्र रूपातल्या बातम्या
बनून एफ बी वर आदळतो